Pipila ka diplomatic staff sa Middle East, gimandoan nga mobiya!
GIMANDOAN sa Amerika ang mga non-emergency government personnel ug ang mga pamilya nga mobiya sa Qatar, Kuwait, Bahrain, Iraq ug Jordan ug sirad-an ang tanang diplomatic mission sa tibuok rehiyon!
Nunot sa nagpadayon tension sa Iran.
Gisirad-an ang US Mission to Saudi Arabia kagahapong adlawa human sa drone attack samtang ang mga Amerikano sa Jeddah, Riyadh, ug Dhahran, gimandoan nga magtago sa usa ka lugar.
Magpabiling sirado ang US Embassy sa Kuwait “until further notice” ug ang tanang regular ug emergency consular appointments gikanselar.
Samtang, sa Israel gibutyag sa embahada sa Amerika nga wala kini sa posisyon sa paghikling o direktang pagtabang sa mga Amerikano nga mobiya sa nasud, inay gi-abisohan ang mga citizens nga mohimo og kaugalingong security plan.
SOURCE: GMA NEWS
Photo: Bombo Radyo News
