Desisyon sa fare hike petition sa PUJs, gilaumang mogawas karong adlawa, sigun sa UNIDA-10!
NAGPLANO ang United Drivers Association kon UNIDA-10 nga magduso og petition alang sa usbaw sa pletehan!
Nunot sa hangyo sa mga myembro tungod sa kamahal sa presyo sa produkto sa petrolyo nga dala sa tension sa Middle East.
Apan nakadesisyon ang grupo, nga hulaton na lamang ang desisyon sa petisyon nga giduso sa mga modernized nga grupo nga 5 hangtod 7 pesos nga usbaw.
5 pesos sa SP ug 7 pesos sa regular.
Matud ni UNIDA-10 Joel Gabatan nga karong adlawa mogawas ang desisyon sa mga gidusong petitions sa Public Utilities Jeepneys kon PUJs.
“…sa miaging mga interview naka ingon ko nga dili mi mangayo og increase kay mahimo na siyang domino effect, tanan ma apektohan tawon pati akong pamilya. Pero nagsige namag taas, sige nag reklamo ang mga driver kadtong niaging adlaw, sila nalang gyud ang nanawag nga ‘nong magpa increase nata kay lisod naman’. Dawbi kay naa may mga modernize nga coop nagpadangat naman sa ilang mga petition. 5 ang mga SP, 7 dayun ang regular. Edi nag ingon ko nga dili nata mag petition magsakay nalang ta sa ila kay kung hatagan mana tanan. Mao tong wala mi nag padala og petition. Mao ng among gi hulatan nalang kung ma aprobahan niya ang mga modernize kay murag kuan naman ang gobyerno nga ugmang adlawa ila ng desisyonan, tanan petition…”
UNIDA-10 Joel Gabatan
SOURCE: P.I/#8
Photo: Philstar.com
