Transmission charges sa kuryente, mosaka karong bulana!
GI-ANUNSYO sa National Grid Corporation of the Philippines kon NGCP ang pagtaas sa transmission charges sa electricity bills sa mga konsyumante sa Pebrero 2026!
Base sa abiso, ang kinatibuk-ang average transmission rate alang sa billing period misaka sa 13.55 percent hangtod 1.5279 per kilowatt-hour kon kWh gikan sa 1.3455 per kWh sa milabayng period.
Nunot kini sa pagsaka sa ancillary services kon AS rate ug transmission wheeling rate.
Misaka ang AS- o ang cost sa serbisyo nga gikan sa reserved market ug bilateral contracts ngadto sa 0.6736 matag kWh gikan sa 0.5971 matag kWh.
Samtang, ang NGCP transmission wheeling rate, o ang bayad sa pag-deliver sa electricity pinaagi sa transmission grid, mitala og 0.6921 matag kWh gikan sa 0.6058 matag kWh.
SOURCE: GMA NEWS
Photo: Philstar.com
