Mag-apohan nga nalatayan sa trailer truck sa Barangay Bulua ning ciudad, patay!
NALATAYAN-PATAY sa trailer truck ang mag-apohan sa Diversion Road, Barangay Bulua ning ciudad!
Naila ang mga biktima nga silang Jolito Luod Circulado 50-anyos ug Kyle Circulado Morales 11-anyos ug residente sa Barangay Kauswagan samtang naila ang driver sa trailer truck nga si Bernabe Banales, 71-anyos ug residente sa Laguna.
Matud ni COCPO Traffic Enforcement Unit kon TEU Investgator on case Police Chief Master Sergeant Charles Ebueza nga gibutyag sa mga nakasaksi sa panghitabo nga nakabangga ang mag-apohan og laing motorsiklo hinungdan nga nawad-an og control ug natumba paingon sa naglatas nga trailer truck ug nalatayan sa likod nga ligid.
No signs of life ang mga biktima pag-abot sa rescuer.
Giingong gikan namasol ang mag-apohan ug pauli na sa ilang panimalay.
Kasamtangang nakakustodiya ang driver sa trailer truck ug driver sa motorsiklo sa opisina sa Traffic Enforcement Unit kon TEU.
“..According sa nag rescue, wala nay sign of life so makita man nato and then during sa akong pagpangutan sa mga tao pud, kining isa ka motor nga gi drayban ni Mr. Noel Saldebar, paingon sya paingon sya og Kauswagan, nag slowdown siya sa intersection pero tingala sila kay naay motor nga nidombol sa ilang likod, pag dombol sa usa ka motor, mao kini ang gi drayban ni Mr. Jolito Luod Circulado taga Kauswagan gihapon, ang ingon sa iyang pag umangkon more or less 50 kay wala pa may lisensya nga nakuha nato. Ug kini iyang backride nga bata 11 years old pagkabangga sa likod, nawad-an og control katong motor nga nag bangga, didto sya nalabay sa opposite lane, timing pud nga naay truck trailer approaching na sad. So wala nay panahon ingon sa drayber sa truck, wala nay panahon nga ilikay, kay naa naman..”
COCPO TEU Investigator on case Police Chief Master Sergeant Charles Ebueza
Samtang, gibutyag ni Banales nga kung buot sabton wala kini sala sa panghitabo.
“..2 lane sila, kani mao silay nauna nabundol niya ang usa ba, unya ang pagkabondol mao na nilagpot sila didto sa likod, likod anang ligid, nakit-an nako naligid man diay to sila didto sa ligid, nasuot man sila sa ilalom sa ligid, akong dagan kay hinay raman kay naa man koy gisundan nga truck nga kargado, unya sila kusog ba. Kusog siya bisag katong ilang gi bonggoan, nabonggoan man to niya to, bisag kato sila nag storya nga kusog kaayo. Buot sabton jud, wala gyud miy salay diha man na sulod sa ligid, lagpot mansila diritso..”
Bernabe Banales, ang driver sa trailer truck
SOURCE: SRLIVE
PHOTO: SR LIVE
