Landslide sa Sambulawan Barangay Agusan ning ciudad, upat ka tawo patay!
PATAY ang upat (4) ka tawo sa Zone 1 Sambulawan, Barangay Agusan ning ciudad!
Human sa nahitabong landslide tungod sa bagyong Basyang.
Gilangkuban ang mga namatay sa magti-ayon, 13 anyos ug 11 months old.
Matud ni CDRRMD Manager Nick Jabagat nga usa ka balay ang nahulogan sa yuta.
Posibleng tulog ang mga biktima sa pagkahitabo sa insidente.
Na-recover ang lawas sulod sa lawak sa panimalay.
Samtang, 13 ngadto 14 ka Barangay sa ciudad ang apektado sa bagyong Basyang.
Kasagaran sa operasyon sa CDRRMD natigayon sa esteng bahin sa ciudad.
“..Wala tay operations diri sa district 1 more of sa eastern nato nga mga kasubaan. Kagabii pagkahuman sa maong insidente nakuha naman sa hospital to sila nadala, gitawagan ang mga funeral parlor para magtabang and then pati ang iyahang pamilya gi asikaso na pud sa barangay. Naa pay parte sa may Zone 1 boundary sa Zone 2 nga area kanang likod sa ilang National High School, naay usa ka balay diha natabunan noh? nahulugan og yuta gikan sa taas nga bahin kay naa man diay ni siya murag mga panimalay diha nga naa gyud kilid sa bukid. Nakuha naman sa mga atong mga kaubang personahe then naay usa atong nadala gyud but gi declare nga wala nagyud noh? dinhi sa may NMMC nadala pa nato. Kaning duha ka magtiayon ug kaning ilang duha sa pag-umangkon man siguro ni, kaning 13 ug kaning 11 months old..”
CDRRMD Manager Nick Jabagat
Sa laing bahin, ubay-ubay ka LGUs sa Misamis Oriental ang nag-deklarar og work suspension.
Gilangkuban sa Jasaan, Sugbongcogon, Alubijid, Lugait, Balingoan, Manticao, Naawan, El Salvador City, Gingoog City, Medina, Laguindingan, Magsaysay, Libertad, Opol, Binuangan, Lagonglong, Tagoloan, Gitagum, Libertad ug Initao.
Una nang nag-deklarar og work suspension ang kagamhanang probinsyal sa lalawigan.
Samtang, 25 ka LGUs ang nag-suspenso sa klase sa tunghaan ug daghan residente ang naghikling tungod sa hulga sa bagyong Basyang.
LIVE SITWASYON SA TABLON COVERED COURT: KUSGAN CORRESPONDENT EVA AGUA
Photo: CDRRMC
