Iranian drone, gipabuthan sa Amerika!
GIPABUTHAN sa Amerika ang Iranian drone!
Human giingong agresibo nga mipadulong sa American aircraft carrier sa Arabian Sea.
Matud ni US Central Command Spokesman Captain Tim Hawkins nga gipabuthan sa F-35C stealth fighter jet nga milupad gikan sa USS Abraham Lincoln warship ang drone aron mapanalipdan ang aircraft carrier ug ilang personahe.
Gibana-banang anaa ang barko sa 500 miles gikan sa Iranian coast samtang mipadulong ang drone nga dili klaro ang intensyon.
Nahitabo kini samtang nagpadayon ang US sa pagmugna og presensya sa militar sa rehiyon diin taas ang tensyon tali Washington ug Tehran.
SOURCE: BBC NEWS
PHOTO: BBC NEWS
