Pilipinas wala nalakip sa nasud nga i-suspenso ang pag-proseso sa visas sa US!
WALA nalakip ang Pilipinas sa listahan sa mga nasud nga i-suspenso ang pag-proseso sa visas ngadto sa United States!
Sigon kini ni Philippine Ambassador Jose Manuel Romualdez.
Base sa balita nga hunungon sa US State Department ang tanang visa processing sa mga bisita gikan sa 75 ka nasud.
Sugod Enero 21.
Lakip sa listahan ang Somalia, Russia, Iran, Afghanistan, Brazil, Nigeria, ug Thailand.
Una nang gimando ni US President Donald Trump niadtong Nobyembre ang makuting pag-repaso sa asylum cases ug green cards or permanent residence permits nga gihatag ngadto sa mga langyaw.
Human gipatay sa usa ka Afghan national ang National Guard member sa Washington, DC.
SOURCE: GMA NEWS
PHOTO: BOMBO
