Lalaki nga naglasong, gipusil sa usa ka police patay!
NAPUSILAN-PATAY sa usa ka police ang usa ka lalaki nga naglasong human lango sa ilimnong makahubog sa Salay, Misamis Oriental kaganihang alas 12 sa udto!
Biktima giilang si Raniel Pagaran, 39-anyos, single ug residente sa nasangpit nga lugar samtang usa ka police staff sergeant ang nakapatay.
Base sa initial nga imbestigasyon giingong nagdala-dala ang biktima og kutsilyo ug gi-atake ang pipila ka sibilyan rason nagpakitabang ang inahan niini sa kapulisan, nga gilayong miresponde sa lugar.
Giingong gi-atake sa biktima ang usa ka police nga miresponde, gamit ang kutsilyo hinungdan walay nabuhat ang kapulisan kung dili ang pag-neutralize sa biktima.
Matud ni Salay Municipal Police Station Chief of Police Police Captain Alvin Ral nga naka-angkon ang biktima og duha ka samad-pinusilan sa dughan rason sa hinanaling kamatayon.
Nadala ang biktima sa balay-tambalanan apan gideklarar nga dead on arrival.
Kasamtangang nakakustodiya ang nasangpit nga police.
“..Ang katong napusilan nag amok, nagdalag kutsilyo, daghan na iyang gipang hatak nga mga sibilyan, mao to nga iyang mama mianhi sa police station, nangayog responde, para ma kuan iyang bata kay dili na niya ma control, dilikado og makasamad, nagdalan man og kutsilyo, usa sa atong tropa, pag abot sa area gi attack niya ang mga sibilyan, gi attack pud ang atong usa ka membro sa kapulisan sa salay so mao na dayun, wala nay lain choice kay gi attack naman ang atong police, para pud sa safety sa atong police, mao to iyang napusilan ..”
Salay Municipal Police Station Chief of Police Police Captain Alvin Ral.
SOURCE: #19
PHOTO: STRONG RADIO
