Kamatayon ni Former DPWH USEC Cabral, gihulagway sa PNP nga “national interest”!
PADAYONG imbestigaran sa Philippine National Police kon PNP ang pagkamatay ni former Public Works Undersecretary Ma. Catalina Cabral!
Human kumpirmadong ang kanhing opisyal ang napalgang patay sa riverside sa Benguet pinaagi sa otopsiya.
Matud ni PNP Chief Police Lieutenant General Jose Melencio Nartatez Jr., nga susihon sa buhatan kung unsay nahitabo.
Gi-interrogate sa kapulisan ang driver ni Cabral, nga kauban sa kanhing opisyal una giingong nahulog sa pangpang sa Kennon Road, Tuba, Benguet.
Una nang gikumpirmar ni Interior Secretary Jonvic Remulla nga “authentic” ang litrato sa driver kauban si Cabral.
Gihulagway sa PNP ang kamatayon ni Cabral nga “national interest”.
Nakigkoordinar na ang buhatan sa Independent Commission for Infrastructure ug uban pang ahensya aron sa pagpreserbar sa mahinungdanong ebidensya alang sa imbestigasyon sa anomalosong flood control projects.
Samtang, gidala na ang patay’ng lawas sa kanhing opisyal sa Manila.
SOURCE: ABS-CBN NEWS
Photo: Philstar.com
