19 anyos nga lalaki gidunggab-patay sa Upper Barangay Gusa ning ciudad!
GIDUNGGAB-PATAY ang usa ka 19 anyos nga lalaki sa Upper Barangay Gusa ning ciudad!
Naila ang biktima nga si Roilan Lopez taga Purok 4B Barangay Gusa ug usa ka Grade 11 student.
Matud ni Police Station 3 Agora Deputy Station Commander PLt. Natalio Flores Mata III nga walo ka samad dinunggaban sa likod ang naangkon sa biktima ug posibleng sa lugar kini gipatay.
Gawas nga gidunggab, gigapus og goma ang biktima.
Magpadayon ang lawom nga imbestigasyon sa kapolisan.
Una niini, gihatud sa 19 anyos ang iyang ginikanan sa Barangay Gusa.
“..Diri sa portion sa iyqng likod, walo kabuok duha sa atubangan possible ang kompleto niini naa sa likod, mostly man tanan ang igo naa sa likod, walo kabuok, nay upat diri sa pinaka-ubos nga portion sa iyang likod, naa dayun upat didto sa taas dayun ang duha dayun diri sa atubangan diri dapit sa may wala nga portion ang katong duol dapit sa dughan and then kini sa ubos pud diri sa iyang tiyan..”
Police Station 3 Agora Deputy Station Commander PLt. Natalio Flores Mata III.
Nagpabiling blanko ang pamilya sa hinungdan sa insidente.
Nagtuo ang igsuon nga igo lamang kini na-tripan.
“..Wala pud ni sya naka share maam nga naa bay nasuko sa iya..(IGSUON) wala Sir.. pero sa inyung pagtuo kaha maam, unsa kahay rason nganong gihimo ni sa imong igsuon maam.. (IGSUON) Basin gi tripan pud na sya Sir..”
Mary Joy Namantucan Lopez, igsuon sa biktima.
SOURCE: SRLIVE
PHOTO: SRLIVE
