Signal no.1 sa Misamis Oriental ug Cagayan de Oro, gilangkat na sa PAGASA!
GILANGKAT na sa PAGASA ang signal no.1 sa Misamis Oriental lakip na niana ang Cagayan de Oro!
Taliwala sa paglangkat nagpabilin ang direktiba ni Mayor Rolando Uy nga magpabiling alerto.
Matud ni City Information Office OIC Head Jade Adecer nga magpabiling naka-heightened alert ang CDRRMD
ug ang BDRRMC aron kanunay nga andam hangtud makagawas sa PAR si bagyong Tino.
“..Kaganinang buntag mga alas 8:30 nagpagawas ang Pagasa og advisory nga wala nata sa signal number 1 diri sa misamis oriental apil na ang dakbayan sa Cagayan de oro so ang directives ni Mayor Klarex ani is, magpabilin gyapon tong katong sulod sa iyahang executive order nga heighten alert gyapon ang atoang CDRRMD also sa atoang BDRRMC’s dili gyapon mag kumpyansa, basin unya og kusog ang ulan dadto sa bukid nga bahin so atleast ready ta until makagawas na sa Philippine area of responsibility ning si Typhoon Tino, padayun gyapon iyang directives nga mag alerto ta diri sa City Hall..”
City Information Office OIC Head Jade Adecer
SOURCE: P.I/#27
PHOTO:Cagayan de Oro City Information Office
