Pasko de Oro 2025, ilunsad umaabot Disyembre 1!
GITAKDANG ilunsad sa lokal nga pangagamhanan sa ciudad ang Pasko de Oro 2025 sa Disyembre 1!
Human sa gipahigayong coordination meeting.
Nagkalain-laing kalihokan ug kumpetisyon ang nakahan-ay sama sa annual ceremonial lighting, paskorela, bangga sa daygon, marching band competition ug special event nga Christmas Holiday Market sa Rio de Oro Boulevard, magsugod Nobyembre 28.
Matud ni City Tourism and Cultural Affairs Office kon CTCAO Acting Department Manager Marky Jalapadan nga malaumon kining adunay fireworks display atol sa launching.
“…ah actually nana tay coordination meeting na gi conduct, ang atong launching sa Pasko de Oro 2025 will be on December 1 diha mahitabo ang atong launching, naa pud tay ceremonial lighting ceremony hopefully na fireworks display ana sa atoang launching on December 1, so ang pagpasiga sa suga diri City Hall, diha sa atoang Gaston Park, diha sa atong Divisoria and of course sa Rio de Oro Boulevard naa pod tay mga Christmas symbol ipang butang and then sa point of entry sa may Bulua ug Bugo naa pod tay ibutang nga giant nga parol. Isa pod sa mga usual and annual activities for the Pasko de Oro magpadayon gihapon ang PaskoRela, ang atong bangga sa Daygon, marching band competition and of course special activity ang Christmas holiday market…”
CTCAO Acting Department Manager Marky Jalapadan
SOURCE: SBSPH
Photo: Cagayan de Oro City Information Office
