Ceremonial MOA Signing sa Bukidnon Food Hub Development Project, gipahigayon sa Manolo Fortich!

GIPAHIGAYON ang MOA signing sa Bukidnon Food Hub Development Projects sa Department of Agriculture ug sa Provincial Government sa Bukidnon nga nagkantidad og 1.97 bilyon pesos.
Gilauman ang maong pasilidad nga mahimong sentro sa consolidation, processing, ug distribution sa agricultural nga mga produkto sa probinsya.
Ang Bukidnon, nga ilado nga usa sa pinaka-produktibong agrikultural nga probinsya sa Northern Mindanao, makabenepisyo sa modernong agri-logistics hub nga magdugtong sa lokal nga mga mag-uuma ngadto sa mas lapad nga merkado sa nasud ug sa international.
Tungod sa location niini nga nahimutang sa Manolo Fortich ug duol sa Cagayan de Oro City, ang BFH mahimong usa ka estratehikong trade gateway nga mopalig-on sa supply chain sa rehiyon.

SOURCE: SBSU
PHOTO: 90.3 STRONG RADIO LIVE