BIR field audits, temporaryong gisuspenso!
TEMPORARYONG gisuspenso sa DOF ug BIR ang tanang BIR field audits ug ang operasyon nga adunay kalabutan sa ahensya!
Human sa mga reklamo gikan sa taxpayers kalabot sa pag-isyu og Letters of Authority kon LOA ug Mission Orders.
Matud ni Finance Secretary Frederick Go nga ilang nadungog ang kabalaka sa katawhan ug gilayong aksyonan kini.
Samtang, matud ni BIR Commissioner Charlie Mendoza nga ubos sa suspension period, walay letter of authority o mission order ang himuon, i-imprenta, pirmahan o isilbi.
Ipatuman kini sa tanang opisina sa BIR nga nalambigit sa audit ug field operations.
Lakip ang Large Taxpayers Service, Revenue Regions and District Offices, Assessment Divisions, VAT Audit Units, and Intelligence and Special Audit Units.
Usa ka welcome development alang kang Senator Erwin Tulfo nga nagduso og imbestigasyon sa giingong misuse sa LOA sa ahensya.
SOURCE: NEWS5
PHOTO: NEWS5
