Bennie Boatwright, mosalmot sa pagbansay sa Gilas Pilipinas!

MOSALMOT si Bennie Boatwright sa pagpangandam sa Gilas Pilipinas!
Nunot sa pagsugod sa proseso sa naturalization karong semanaha sa tinguhang ma-eligible nga modula sa national team sa umaabot nga Fiba competitions.
Matud ni Gilas head coach Tim Cone nga lima ka adlaw ang basketbolista sa Pilipinas ug mipasalig nga mosalmot sa mga pagbansay.
Dumdoman, sukad sa sayong bahin miaging tuig napili ang kanhing San Miguel Beer import isip posibleng naturalized player apan nadelatar ang proseso tungod sa Achilles injury sa basketbolista.
Hisayran, pabiling si Justin Brownlee ang naturalized player sa Gilas ug modula sa duha ka dula batok Guam umaabot Nobyembre 28 ug Disyembre 1.

SOURCE: INQUIRER NET
Photo: Fastbreak