Road courtesy ug magpabiling kalmado, panawagan sa DOH sa mga mobiyahe alang sa Undas!
NANAWAGAN ang Department of Health kon DOH sa mga mobiyahe karong weekend alang sa Undas nga i-obserbar ang road courtesy ug magpabiling kalmado!
Aron mapugngan ang road rage incidents nga mag-resulta sa physical nga kadaot.
Nagpagawas si Health Secretary Ted Herbosa og pahinumdum nga dili magdali ug sundon ang balaod trapiko aron dili malambigit sa kagubot.
Mahimong mapahimuslan sa mga nasamdan sa kadalanan ang zero-balance billing sa gobyerno.
Nagpahinumdum usab kini sa mga nagsakit ilabina sa mga adunay hypertension ug diabetes nga dili kalimtan ang ilang tambal sa dili pa mobiya sa panimalay.
Una nang giisa sa DOH ang code white alert status sa central office ug centers for health development karong adlaw sa mga Santos ug Kalag.
SOURCE: GMA NEWS
PHOTO: MANILA STANDARD
