Proposed legislation sa Amerika, bahad sa BPO industry sa Pilipinas!

GITAWAG nga bahad sa Business Process Outsourcing kon BPO industry sa Pilipinas ang proposed legislation sa Amerika nga nag-diskorahi sa call center companies sa pag-hire og talent gikan abroad!
Matud ni BPO Industry Employees Network kon BIEN secretary general Renso Bajala nga maapektohan niini ang Pilipinas.
Gidugang ni Bajala nga daan nang nag-atubang og layoff threat ang BPO workers tungod sa adaptation sa artificial intelligence kon AI.
Nagtuo kini nga ang sugyot balaudnon moresulta sa domino effect sa mga nasud diin ga-outsource ang US firms sa business processes sama sa Latin America, Africa ug Southeast Asia.
Gilantaw nga solusyon ni Bajala ang “industrialization” sa Pilipinas aron mapalambo ang kapasidad sa pag-serbisyo, dili lamang sa mga langyaw nga kliyente, lakip na sa local.

SOURCE: ABS-CBN
Photo: Bombo Radyo