Pagsuspenso sa “tabo system” sa landslide area sa Barangay Palacapao, Quezon Bukidnon, gisuspenso sa LTFRB-10!

GIMANDO sa Land Transportation Franchising and Regulatory Board-Northern Mindanao kon LTFRB-10 ang pagsuspenso sa “tabo system”!
Nga gipatuman sa bus company sa portion sa Overview Road nga apektado sa landslide sa Barangay Palacapao, Quezon Bukidnon.
Base sa initial assessment human gi-inspect ni LTFRB-10 Director Atty. Abosamen Matuan ang sitwasyon sa transport system sa area, nasuta nga dili luwas sa mga pasahero ang nasangpit nga sistema.
Inay ang pagtugot nga ipadayon ang “tabo system”, nag-isyu ang LTFRB-10 og special permit sa bus company nga mag-operate sa alternatibong rota.
Ang bus nga gikan sa Cagayan de Oro molatas sa Valencia City-San Fernando Road, Bukidnon ug mo-agi sa Talaingod ug Sto. Tomas, Davao del Norte sa dili pa mogawas sa Panabo City paingon sa Davao City.
Gidugang ni Matuan nga adunay gamay’ng adjustment sa pletihan tungod sa gilay-on sa biyahe.
Giklaro usab nga dili i-abandona ang original routes sa bus company gikan CDO to Quezon, Bukidnon ug Davao City to Quezon.
Tungod adunay mga pasaherong gi-serbisyuhan sa nasangpit nga areas.

SOURCE: GMA Regional TV

PHOTO: GMA NETWORK