Pagsulbad sa problema sa basura, pinaka-urgent nga mandato ni Uy sa bag-ong acting head sa CLENRO!

PAGSULBAD sa problema sa basura!
Kini ang pinaka-urgent nga mandato ni Mayor Rolando Uy kang CLENRO Acting Department Head Elvisa “Bing” Mabelin.
Hulip kang Engr. Armen Cuenca.
Matud ni Mabelin nga mihatag og duha ka semana nga ultimatum si Mayor Rolando Uy.
Aron kolektahon ang mga wala makolekta nga basura nga anaa sa major streets and highways sa ciudad.
Naglaom si Mabelin nga human sa duha ka semana, magpadayon ang programa sa solid waste management.

“..Actually ang pinaka urgent as mandated by the city mayor pagsulbad sa problema sa basura. So gitagaan tag two weeks para kaning mga specifically kaning mga uncollected areas kay ngil ad tan-awon sa atong kadalanan mga basura so gitagaan tag two weeks para masulbad ni siya nga problema. pero ang huna hunaon nato ang basura permi igi-generate sa tao. So hopefully after two weeks magpadayon na ang programa sa solid waste management program. Dili na lang nakatutok sa collection o disposal kinahanglan mo apil na ang mga stratehiya sa recovery dinha sa atong mga basura kay nadako ni siya nga hisgutanan no?..”

CLENRO Acting Department Head Elvisa “Bing” Mabelin

Dili na usab bag-o kang Mabelin ang katungdanan.
Apan dakong hagit lamang ang pagdaghan sa volume sa basura.
Tungod booming ang economic activity ug gadaghan ang katawhan.

“..In 2014 mao mana atong trabaho pagsulod nako sa City government sa Cagayan de Oro so giagi ko sa pag-closure sa dumpsite, pag open sa sanitary landfill and pag plastar sa solid waste management program sa city so dili na siya bag-o sa personally but ang challenges is the volume sa basura na mag generate sa Cagayan de Oro, gadaghan tungod sa gadaghan sng tao sa Cagayan, booming atong economic activity so kinahanglan nato na siya ang mga stratehiya nga mo kanang angkop ba or kanang sakto gyud ma address atong problema sa basura…”

CLENRO Acting Department Head Elvisa “Bing” Mabelin

Hisayran nga gisugdan kagabii ang Day 1 sa duha ka semana nga ultimatum.

SOURCE: SHV
Photo: SR Files