Pacquiao, nahimong bise-presidente sa IBA!
NAHIMONG Bise-Presidente sa International Boxing Association kon IBA si Former eight-division world champion Manny Pacquiao!
Makigtrabaho kini kang Kremlin-linked President Umar Kremlev aron ma-develop ang athlete-first programs aron mapalapdan ang mga oportunidad sa mga atleta.
Unang naila ang asosasyon nga Amateur Boxing Association ug mipadagan sa sports sa Olympics.
Matud ni Pacquiao nga nakasulod na sa Golden Era ang IBA, era diin ang matag boksingero sa matag nasud, makadamgo, maka-away ug molampos sa patas nga termino.
Namahayag ang IBA nga adunay aktibong papel si Pacquiao sa pagpa-uswag sa misyon ug mithi sa organisasyon.
SOURCE: PHILSTAR
PHOTO: iba.spor
