Mayor Uy mangunay sa pagmando sa paghakot sa basura, heavy equipment sa City Engineers office gamiton sa pagkuha sa nagtapok nga basura ug ikarga sa garbage truck!

GIMANDO ni Mayor Rolando Uy sa City Engineer ug Depo nga gamiton ang heavy equipment!
Aron mokuha sa mga nagtapok nga basura ug ikarga sa garbage truck.
Matud ni Uy nga kini na ang mangunay sa pagmando sa paghakot sa basura sa ciudad.
Una nang nakigtagbo ang Mayor sa City Local Environment and Natural Resources Office kon CLENRO ug Committee Chairman sa Environment sa City Council.
Tungod kinahanglan nga tutukan ang paghakot sa basura.

“..Sa City Engineer uban sa Depo atong gamiton ang mga heavy equipments labina ang loader nga sa dapit nagtapok ang basura kinahanglan ang loader nga ang heavy equipment na ang mokandos sa basura ikarga sa atong garbage collector ug garbage truck, mao kana ang akong panagtagbo, adunay dakong kausaban karon inig human sa akong panagtagbo sa buhatan sa clenro uban sa chairman sa invironment, Don Eric Salcedo, ako na ang mo command ni anah..”

Gibutyag ni Uy nga dili masulbad ang paghakot kung sundon ang schedule sa collection ug kung duha lamang ka tawo ang maghakot sa basura.

“..Bisan duna tay bag-ong contructor karon, daghan og bag-ong mga dagkong sakyanan kon ang maong maghakot sa basura, duha lang ka tao o duha lang ka palador, dili masubad labaw sa tanan kung tumanon ang schedule sa paghakot sa basura dili masulbad, busa karong buntaga human sa blessing diha sa model house makigtagbo ko kay ako na ang mo-command sa paghakot sa basura, ako na ang mangamot ug mohatag kog kasugoan nga kinahanglan atong tutukan ang ang paghakot sa basura kay sundon ang schedule, dili mao, dili mahuman ug dili masulbad, tinabangay kita ug mismo usab masayran kinsa nang contructor karon, masayran, kung duha ka tao lang ang ilang palador ipadala sa truck nila, dili mahuman kay mobatig kakapoy ang katawhan nga nag atiman sa basura..”

Mayor Rolando Uy.

SOURCE: CIO
PHOTO SOURCE:POLITIKO.COM.PH