Matag pamilya sa ciudad target sa CDRRMD nga makahibalo mo-CPR!
TARGET sa City Disaster Risk Reduction Management Department kon CDRRMD nga sa matag pamilya adunay makahibalo nga mo-CPR!
Hinungdan nga sa matag komunidad nga maadtoan panahon sa Sabado, gapahigayon ang buhatan og hands only CPR tutorial.
Matud ni CDRRMD Head Nick Jabagat nga ubos kini sa balaod.
“…Very basic dali rapod ni siya makat-unan sa atong mga kaigsuonan kay ang atong target any in every household naa gyuy kabalo mo CPR kay naa namay balaud ani. Si Samboy Lim ang nakakuan ani nga mag butang’g balaod kay during sa iyang usa ka mga game sa basketball exhibition game na collapse and then didto sa venue sa kadaghang tao nga na dadto walay naka- CPR sa iya. So mao ng nahimo na’g balaud ug karon dili lang ang DOH pati ang atong opisina in every community adtuan every Saturday, tanan ato na siyang gina maximize na matudluan nato ang pipila sa mga naa sa barangay at least ila ma-share pod sa ilang mga tagsa-tagsa nga komunidad…”
CDRRMD Head Nick Jabagat
Gipasabot ni Jabagat nga mahinungdanon ang unang interventions sa dili pa madala sa hospital.
Tungod sulod sa walo ka minuto nga walay hangin ang utok, dili na mabalik sa normal ang lawas.
“…first aid nga mga intervention before nimo madala sa ospital dako na siyang tabang kay in 8 minutes nga walay hangin ang imong utok, irreversible man ang mahitabo sa imong lawas di na mabalik sa normal I mean…”
CDRRMD Head Nick Jabagat
SOURCE: CIO
Photo: Healthline
