Lawas sa magti-ayon nga nalakip sa landslide sa Bukidnon-Davao Road sa Sitio Kipolot, Brgy. Palacapao, Quezon, Bukidnon, na-recover kaganihang buntag!
NARECOVER na kaganihang alas 9:31 sa buntag ang lawas sa magti-ayong nalakip sa landslide o nahugmak nga Bukidnon-Davao Road sa Sitio Kipolot, Brgy. Palacapao, Quezon, Bukidnon!
Naila ang mga biktima nga silang Thelma Ubatay, 60 anyos ug Ely Ubatay Sr., 60 anyos taga Brgy. Palacapao.
Matud ni Quezon Bukidnon Information Officer Forts Cabarde nga halus naggakos ang mga biktima ug natabunan sa atop sa tricab.
Motabang ang lokal nga pangagamhanan sa Quezon sa pagpahiluna sa lawas sa magti-ayon.
“..9:31 karong buntag nakita na gyud sila, invisible pinaagi sa tabang sa atong mga canine dogs. Karon gi-kumpirma naman pod sa pamilya sa anak niini na ilang amahan ug inahan ang katong na recover. Naa sa ibabaw nga bahin niini sa atong paghulagway, nagkulob ang inahan halos na sila nag-gakos unya natabunan ni sila atong atop sa ilahang gisakyan nga bao-bao kay napuwas man gyud to. Lauman pod no nga tabangan man ni sa atoang lokal nga pangagamhanan sa Quezon kay taga dinhi man gyud ni sila taga-Palacapao, Quezon, Bukidnon..”
Quezon Bukidnon Information Officer Forts Cabarde.
Mi-abag ang nagkadaiyang ahensya sa gobyerno sa pagpangita sa lawas sa magti-ayon.
Unang nadiskobre ang tricab, Oktobre 19.
Dumduman nga papapuli ang magti-ayon sa ilang panimalay niadtong Oktobre 18 atol sa pagkahugno sa Bukidnon-Davao Road.
SOURCE: Municipality of Quezon, Bukidnon
PHOTO:Municipality of Quezon, Bukidnon
