Lalaki napalgang patay sa CDO river!
NAPALGANG patay ang usa ka lalaki sa Cagayan de Oro River!
Nakit-an kini sa Carmen apan giguyod sa Zone 1- Isla Delta, Brgy. Consolacion.
Nakasuot og bracelet sa wala nga kamot, silver ring sa tuo nga kamot, tattoo nga crus sa wala nga kamot, taas ang buhok, 5’8 ang height, nakasuot og shorts nga dunay markang Pilipinas.
Gibana-banang 15 ngadto 20 anyos ug gituohang solvent boy.
Matud ni Wilbert Gamba, tanod sa Barangay Consolacion nga gakalabyan niini ang nasangpit nga lalaki sa Rotonda ug Gaston Park.
“…gabii nani sila gapang gawas sir, kay mao may dili man pud kayo ni sila, diha rana sila sa ilalom sa tulay ga baras-baras rani sila diha sa rotunda usahay sa Gaston Park…”
Wilbert Gamba, tanod sa Barangay Consolacion.
Samtang, magpadayon ang imbestigasyon sa kapolisan sa hinungdan sa kamatayon.
Mi-aksyon na og bloated ang lawas sa biktima ug posibleng duha ngadto tulo ka adlaw na nga anaa sa tubig.
“…kaning patay’ng lawas unidentified ni siya wala pa tay nakita nga sign sa pamilya nga miabot diri naa sa mga 15-20 ang pangidaron 5’8 ang height, usa ka lalaki, ug sa Nakita nato sa iyang lawas Nakita nato nga nag suot kini siya og bracelet sa wala nga kamot, silver ring nga naa sa iyang tuo nga kamot, taas og buhok, wala siyay sanina nga atong Nakita, naka suot pud ni siyag short pants nga naay markings nga Pilipinas, ug naa ni siyay tattoo sa iyang wala nga kamot nga naay cross…”
Police Station 5-Macabalan Investigator Police Master Sergeant Jonas Elmidulan
SOURCE: SHV
Photo Source: SRLIVE
