CDO nakasinati og Intensity IV nga linog, klase gisuspenso!

NAKASINATI ang Cagayan de Oro og intensity IV nga kakusgon sa linog kaganihang alas 9:43 sa buntag!
Base kini sa earthquake intensity meter sa phivolcs nga anaa sa city hall.
Subay usab sa PHIVOLCS ang sentro sa linog nasinati-an sa Manay, Davao Oriental sa magnitude 7.5.
Tectonic ang origin ug adunay gilawmon nga 020 kilometer.
Intensity V ang Hinunangan, Southern Leyte; Gingoog City, Misamis Oriental; Nabunturan, Davao de Oro; Davao City; Santa Maria, Davao Occidental; Kidapawan City, Cotabato; Alabel, ug Malungon, Sarangani; Koronadal City, ug Tupi, South Cotabato.
Intensity IV – Cebu City; Sulat, Eastern Samar; Abuyog, Alangalang, Dulag,ug Hilongos, Leyte; Hinundayan, Silago, ug Sogod, Southern Leyte; Kalilangan, Malaybalay City, aug San Fernando, Bukidnon; Cagayan de Oro City; Digos City, Magsaysay, ug Matanao, Davao del Sur; M’lang, ug Magpet, Cotabato; Glan, Kiamba, Maitum, ug Malapatan, Sarangani; Banga, Polomolok, ug Tampakan, South Cotabato; General Santos City; Columbio, ug Palimbang, Sultan Kudarat; Cabadbaran City, Agusan del Norte; Surigao City, Surigao del Norte; Bislig City, Surigao del Sur.
Samtang giisa ang tsunami warning sa Davao Oriental, Eastern Samar, Southern Leyte, Leyte, Dinagat Islands, Surigao del Norte ug Sur.
Samtang, gisuspenso ang klase sa tanang levels sa pampubliko ug pribadong tunghaan sa Cagayan de Oro!
Human sa Intensity IV nga linog.
Alayon ang kamandoan sa rekomendasyon ni Cagayan de Oro Schools Division Superintendent Roy Angelo Gazo.
Aron masusi sa City Engineering ug City Building Official sa school buildings.
Gi-abesohan ang tunghaan nga mo-shift sa modular ug online classes.
Matud ni City Information Office kon CIO Head Jade Adecer nga kung masuta sa inspectors nga luwas ang mga building ibalik ang klase karong hapon.

“..directives niya nga i-suspend ang klase karong buntaga, half day lang sa while ongoing ang atoang assessment sa atong mga school building sa atoang City engineering and sa atong office of the building official. And nakig-coordinate pod ni siya dili lang iyang desisyon but also in coordination sa atoang schools Division Superintendent si Doctor Gazo, ilang na desisyunan nga while ongoing ang atoang assessment sa atoang school buildings and sa atong hospital buildings is-suspend sa gyud ang klase karong buntagan. And upon the advisory sa katong atoang mga inspectors, classes may resume later this afternoon if makita nila nga okay ang atoang mga buildings and safe na siya nga balikan sa atoang day to day operations. Karong morning but ga depende japon siya sa advice atoang inspectors, atong mga mag inspect sa atong building kay sila ang mismo nakakita sa scenario, so mag-agad si mayor sa unsa ilang eh i-report hangtod karong udto…”
CIO Head Jade Adecer

Samtang, gisuspenso ang klase sa tanang levels sa tibuok Camiguin.
Aron tugutan ang otoridad sa tunghaan nga magpahigayon og inspection sa school buildings.

SOURCE: CDRRMD/PHIVOLCS
SOURCE: P.I/#27
Photo: CDRRMD – Oro Rescue