Balaod nga nagdili sa paglabay sa basura bisan asa, mas gipahugtan sa ciudad!

MAS gihatagan og ngipon sa ciudad ang balaod nga nagdili sa paglabay sa basura bisan asa!
Human gi-authorized ang mga Barangay Kapitan nga mag-isyu og Ordinance Violation Receipt kon OVR sa mga makalapas.
Matud ni Barangay Baikingon Kapitan Jao Gumapac nga mahimong isyuhan og OVR ang mga indibidwal nga maglabay sa basura nga wala pa sa oras bisan sa kaugalingong tugkaran.
Ingon man ang pagbutang sa basura sa MRF nga wala pa sa oras.

“…kay naa pay mga i-amender, kay naa lagi toy daghang istorya example didto ka naglabay sa imohang tugkaran, imo manang tugkaran kay nagpaabot ka sa garbage truck moagi unya ilang mandato kung ni labay ka dinha nga dili ting kuha sa oras puwede gihapon ka ma isyuhan, singko mil para pantay tanan. Tapos kung naay designated nga gitawag na nga recyclable o receptacle na ginabutang lang MRF, mao mani na andan gyud MRF pero basurahan gyud na siya receptacle. Ang nahitabo nagbutang ka didto ang imo lang mali naglabay ka’g basura dili ang oras nga ting labay sa basura. Mao to specific ang balaod na kinahanglan nga kung mu labay ka sa dili pa oras o mulabay ka humana ang oras automatic na nga isyuhan ka’g OVR kung nasapon ka sa mga gitawag nato nga designated usab nga nagapangdakop sa usa ka Barangay. Ang sulti ni Mayor Rolando Klarex kagahapon sa hapon sa amoa nga meeting nga mandato gyud siya nga kinahanglan mo function pero dugay naman gyud ni kabantay ka anang bawal maglabay og basura multa 5 thousand, dugay naman gyud pero mas gitagaan og ngipon ba, mas gitutukan karon ba kay naa namay kapitan nga naka-issue na’g OVR…”

Barangay Baikingon Kapitan Jao Gumapac

SOURCE: SHV
Photo: Cagayan de Oro City Information Office