Water supply sa COWD, negatibo sa kontaminasyon!

NEGATIBO sa kontaminasyon ang water supply sa Cagayan de Oro Water District kon COWD!
Human sa gipahigayong test sa buhatan nunot sa report nga pipila ka katawhan ang nagsuka ug kalibang.
Matud ni COWD Board of Director Gerry Caño nga nagtuo kini’ng sa mga establishmento naggikan ang problema nunot sa reklamo sa pipila.
Gidugang ni Caño nga adunay kaugalingong water system ang mga establishmento sama sa mall.

“…Ang atong mga pamasin ug panaghap nga basin kining mga water system sa nagkalain-lain nga mga establishmento, kining mga water system adunay mga contamination. Sayod man ta kining atong mga hotels, mga malls, naa na silay kaugalingon nilang water system ug mao ka na ang atong mga panaghap, duda nga basin dinha sa ilang kaugalingon nga water system dunay nahimo nga isyu but basi sa atong lab test result…”
COWD Board of Director Gerry Caño

Samtang gibutyag ni City Information Office kon CIO Head Jade Adecer nga gikumpirmar sa City Health Office kon CHO nga adunay pagsaka sa kaso sa vomitting ug diarrhea sa mga hospital.
Rason nagpahigayon ang CHO ug Local Environment and Natural Resources Office og kaugalingong test aron masuta ang hinungdan.

“…Kamulo pod silang conduct karon og ilang kaugalingon nga test kay sa ilang records ni increase gyud ang number sa patients na naka-experience og diarrhea in vomiting sa atong mga ospital. So sa karon gina-determine nilang unsay atong mga causative agents anang resulta sa pagsuka, kalibang sa kanng mga lumulupyo sa Cagayan de Oro. Usa na sila sa department nga naay testing kits or tools para maka monitor sa atoang water kay naa mana sila’y water Monitoring Laboratory ang atoang Clenro , partner na ang Clenro and health office so magpagawas rapod na sila og statement kung naa nay result…”
CIO Head Jade Adecer

SOURCE: P.I/#8 JESSEL
Photo:GMA Network