Upat ka indibidwal sa walo nga namissing na-retrieved nga wala na’y kinabuhi human gibaha ang Valencia City, Bukidnon kagahapong adlawa!
NA-RETRIEVED nga wala na’y kinabuhi ang upat sa walo ka indibidwal nga na-missing sa Valencia, Bukidnon!
Human gibaha ang ciudad kagahapong adlawa.
Base sa official facebook page sa City Government of Valencia, Bukidnon nga nagpadayon ang retrieval operations sa City Disaster Risk Reduction and Management Office kon CDRRMO kauban ang ubang ahensya.
Samtang, nagpahigayon og Rapid Damage and Needs Assessment kon RDANA ang lokal nga pangagamhanan.
Aron masayran ang gilapdon sa kadaot ug masuta ang dugang panginahanglanon sa mga residente nga naapektuhan sa baha.
Lakip sa naapektuhan ang Barangays Poblacion, Barobo, Lumbo, Bagontaas ug Sugod diin gisuspende ang klase sa tunghaan sa tanang lebel.
349 ka pamilya gikan sa Poblacion ang anaa sa City Gymnasium.
Nagtinabangay ang responders sa CDRRMO, BDRRMO, PDRRMO, City Engineering Office kon CEO, Philippine National Police kon PNP, Philippine Army, FIBECO ug daghan ang nag-boluntaryo alang sa clearing operations, monitoring, ug pagtabang sa mga pamilyang naapektohan.
SOURCE: CGVB
Photo: Philippine News Agency
