Posibilidad sa immortality nadungog nga gihisgutan nilang President Xi ug Putin!
NADUNGOG ang panaghisgot nilang Chinese President Xi Jinping ug Russian President Vladimir Putin kalabot sa immortality o walay kamatayon!
Partikular nga gihisgutan sa duha ka lider ang organ transplant ug posibilidad nga mabuhi 150 years.
Samtang padulong si Putin ug Xi sa Tianamen Square, nadungog ang interpreter sa Russian President nga namulong og Chinese ug miingon nga padayon ang pag-uswag sa biotechnology.
Ang organs sa tawo mamahimong ibalhin, kung motaas ang kinabuhi, mas mobata ug posibleng makab-ot ang immortality.
Gibasura sa usa ka US transplant specialist ang pamahayag sa duha ka lider ug giabisohan nga mas mayo nga hisgutan ang ethics ug organ access.
SOURCE: FOX NEWS
Photo Source: BLOOMBERG
