Panagbangga tali motor ug wing van sa Taytay, El Salvador City, Misamis Oriental, motorsiklista dead on the spot!

DEAD on the spot ang usa ka motorsiklista nga nabangga sa katabo nga wing van sa Zone 7, Taytay, El Salvador City, Misamis Oriental kaganihang buntag!
Naila ang biktima nga si Marino Bagungon Sabido, 49 anyos, taga Purok 1, Luguilo, Alubujid ning lalawigan.
Samtang naila ang driver sa wing van nga si Jun Mark Peniton Tamu-o, 42 anyos taga Aloran, Misamis Occidental.
Matud ni El Salvador City Police Station Investigator on Case Police Master Sgt. Jun Rey Caamiño nga paingon sa Cagayan de Oro ang motorsiklista samtang pa-Iligan ang direksyon sa wing van nga nagkarga og softdrinks.
Apan pag-abot sa nahitaboan sa lugar, mi-overtake ang motorsiklista hinungdan sa head on nga panagbangga tali wing van.
Nakaangkon ang biktima og samad sa ulo.

“…ang driver sa motor mao si Marino Bagongon Sabido, 49 years old lumulupyo sa Purok 1, Luguilo, Alubujid, Misamis Oriental tali sa usa ka Mitsubishi wing van nga gi-drive-an kini ni Jun Mark Peniton Tamu-o, 42 anyos ug lumulupyo sa Aloran, Misamis Occidental. Inisyal nga investigation kaning motor paingon ni siya og Cagayan, kanin wing van paingon ni siya og Iligan nga direksiyon so tabo ni sila. So matud sa witness didto sa area, ang kining maong motor is ni-overtake sa opposite lane, so lane sa wing van so kawat siya sa lane sa wing van mao poy pag-abot pod sa wing van mao didto siya nakapaingon sa wing van, head on kini siya collision. Ang kaning driver sa motor so dead on the spot kini siya, nakaangkon kini siya’g samad sa ulo..”
El Salvador City Police Station Investigator on Case Police Master Sgt. Jun Rey Caamiño

SOURCE: P.I/#27
Photo: Jessie