Paghunong sa pag-import og bugas sulod sa 60 diyas, opisyal nang gimando ni PBBM!

OPISYAL nang gimando ni President Ferdinand Marcos Jr., ang paghunong sa pag-import og bugas sulod sa 60 diyas!
Gipirmahan ni Marcos ang executive order 93 niadtong Agosto 29 nga nag-aprobar sa hangyo sa Department of Agriculture kon DA nga i-suspenso ang importasyon sa regular milled ug well-milled rice.
Sugod Setyembre 1 hangtud Oktobre 30, 2025.
Giingong mag-depende sa joint recommendation sa Department of Trade and Industry kon DTI, Department of Economy, Planning and Development kon DEPDev ug DA kung ang suspension period mub-an o lugwayan.
Gimandoan ni Marcos ang DA uban sa pakigtimbayayong sa DEPDev ug DTI nga magsumiter og implementation reports.
Lakip ang komprehensibong impormasyon sa kasamtangang supply sa lokal nga na-produced nga bugas ug prevailing local prices.

SOURCE: GMA NEWS
Photo: RMN Networks