Online sellers, gihatagan hangtud katapusan sa Sityembre nga magbaton og E-commerce Philippine Trustmark!
KATAPUSAN sa Sityembre ang gihatag nga deadline sa Department of Trade and Industry kon DTI sa online sellers aron ma-rehistro ug masusi ang mga produkto sa E-commerce Philippine Trustmark!
Usa ka sertipikasyon nga magsiguro nga luwas ug dekalidad ang mga produkto nga baligya online.
Matud ni DTI Secretary Ma. Cristina Roque nga nakig-timbayayong sila sa e-commerce platforms aron aghaton ang online sellers nga magparehistro.
Nag-ugat ang lakang sa mga nadawat nga report sa giingong substandard nga mga produkto nga nakalusot online.
Kung hingpit nga makompleto, aghaton sa DTI ang buyers nga mopalit sa sellers nga naka- E-commerce Philippine Trustmark lamang.
SOURCE: GMA NEWS
Photo: Bombo Radyo News
