Gagmay’ng aliwate, nadiskubre sa CHO sa reservoir sa usa ka kan-anan sulod sa mall ning ciudad!

NADISKUBREHAN sa City Health Office kon CHO ang gagmay’ng mga aliwate sa reservoir sa usa ka kan-anan sulod sa mall ning ciudad!
Atol sa gipahigayong water test sa buhatan nunot sa pagsaka sa kaso sa suka-kalibang miaging semana.
Matud ni CHO Head Dr. Rachel Dilla, nga makitang hugaw ang tubig.
Gidugang ni Dilla nga gibutyag sa establishmento nga gilimpyohan nila ang reservoir niadtong Setyembre 17 ug 21.
Apan pabiling hugaw ang tubig.

“…And one of the establishment nga among gi check medyo hugaw sad ang water. There was one time nay ga lihok nga abi namog waya-waya pero mura siyag aliwate pero gagmay gyud kaayo sa tanan siya, even that establishment wala nila gigamit na. So therefore kani siya nga establishment, we already help them in maintaining sa ilang mga water, karon nag-start na sila karon og disinfection sa ilang mga reservoir, and then to think nga ila kunong gilimpyuhan atong September 17 another in September 21 pero medyo dili kaayo limpyo…”
CHO Head Dr. Rachel Dilla

As of September 22, 120 ang na-admit sa mga Hospital 101 naggikan sa dakbayan, 134 ang OPD samtang 50 hangtod 40 ka kaso ang natala sa mga health center sa dakbayan.

“…There really is an increase of the diarrhea cases and as of yesterday we have about 120 admissions in the hospital for the rest of the hospitals. However, sa Cagayan de Oro, we have about 101 and we made a line list already. And for those outpatient, by the way kani nga data walay labot ang NMMC ani so it, it could have been, higher and then, even for the OPD wala pay labot ang NMMC we had already about 134 diarrhea cases that went to OPD. Our health centers also have seen about 45 to 50 cases dinha sa atong mga health centers…”
CHO Head Dr. Rachel Dilla

Posibleng mas taas ang kaso tungod wala pay labot sa datos ang natala sa Northern Mindanao Medical Center kon NMCC.

SOURCE: CDEOCITYCOUNCIL
Photo: saksi ngayon