External debt sa Pilipinas, misaka!
MISAKA sa 147.87 billion US dollar ang external debt sa Pilipinas niadtong Hunyo!
Mas taas og 14.4 percent itandi sa 130.32 billion dollar miaging tuig.
Matud sa Bangko Sentral ng Pilipinas kon BSP nga ang pagsaka sa external debt tungod sa borrowings, naglakip sa bond issuances sa National Government nga nagkantidad og 5.83 billion dollar ug external financing nga gi-tap sa local banks balor 3.44 billion dollar.
Miabot usab sa 94.8 billion dollar ang utang sa pampublikong sektor, kadaghanan gikan sa gobyerno samtang mikunhod sa 54.1 billion dollar ang obligasyon sa pribadong sektor.
Nag-unang gapautang ang Japan, nga gisundan sa UK ug Singapore.
SOURCE: RNT
Photo: Bombo Radyo Tuguegarao
