Damyos sa pagkasunog sa duha ka panimalay sa JR. Borja Extension, 100-thousand pesos!
KAPIN kon kulang 100-thousand pesos ang damyos sa pagkasunog sa duha ka panimalay sa JR Borja Extension Street, Barangay Camaman-an ning ciudad!
Usa totally damage ug usa partially damage.
Gipanag-iyahan ang panimalay sa magsuon nga silang Edna Valle ug Amor Valle.
Miabot ang fire status sa 2nd alarm.
Walay casualties o fatalities sa insidente.
Giingong naggikan ang sunog sa panimalay ni Amor.
Base sa inisyal nga imbestigasyon, giingong nakadungog ang tag-iya sa panimalay og buto ilawom sa balay.
Matud ni Nazareth Fire Station Investigator on Case Fire Officer Pablo Ajan nga padayong gi-imbestigaran ang hinungdan sa kalayo.
“…amo pang sutaon kay according sa tag iya naay ilang namatikdan ni buto sa ilalom sa ilang balay karon pag naog niya iyang nakita kusog na nga siga, wala siya kabalo unsay nibuto dadto kay wala may mga appliances, walay mga electrical connection didto, ang naa didto tangkal lang sa baboy, siya nagluto sa taas, dili didto gikan ang kalayo. Ilalom sa panimalay ni Amor, previous naay nag abang diha ang ilahang trabaho is gapang-charge og battery dadto sa silong..”
Nazareth Fire Station Investigator on Case Fire Officer Pablo Ajan
SOURCE: SRLIVE
Photo: SR Files
