Barangay Taglimao Kapitan Obsioma mo-resign!
MO-RESIGN si Ruben Obsioma isip Kapitan sa Barangay Taglimao!
Nagpasalamat si Obsioma nga gi-aprobahan ni Mayor Rolando Uy ang resignation.
Matud ni Obsioma nga hangtud na lamang kini ugmang adlawa isip Kapitan sa Barangay.
“…alang pud sa kasayuran sa tanan labina sa katawhan sa Taglimao, taman raku ugmang adlawa isip inyong Kapitan sa Barangay Taglimao, kay ako mokanaog na sakung katungdanan isip kapitan sa atong barangay. Ug dako kaayo akong pasalamat sa atong halandong Mayor nga iyang gi aprubahan ng akong resignation, isip kapitan sa barangay Taglimao, salamat kaayo ni ana Mayor..”
Outgoing Barangay Taglimao Kapitan Ruben Obsioma
Samtang, mohulip kang Obsioma si Kagawad Nik-Nik Sablada, ang 1st Kagawad sa Barangay.
Nanghinaot si Uy nga sundon sa mohulip nga Kapitan ang pagdumala ni Obsioma sa katawhan inubanan sa suporta sa konseho.
“…Ugma kutob ang imong pagka kapitan salamat kaayo kay ang imong gusto ako pong gituman, lisod kaayo nga ang imong gusto dili na tumanon kay basin og mahiubos ka nako, hinaot ang mupuli nimo si Kagawad Nik-Nik Sablada, gikalipay ug dawaton pod nimo kay ikaw man ang numero uno nga kagawad, hinaot sundon nimo si Kapitan Obsioma sa iyang pagdumala sa katawhan dinhi sa Barangay Taglimao. Inubanan sa kinatibuk ang konseho sa Taglimao, hinaut magpabilin mo magpadayon ang inyong panaghiusa kay parehas ta nangatundanan sa katawhan nga unta ang katawhan kanunay gyung atong alagaran. Naay mga panahon sa politika apan kinahanglan adunay panaghiusa kay ang katawhan ang atong gi alagaran ug gi serbisyuhan ug gi panumpaan nga ato silang tabangan sa tanang higayon mo alagad mo serbisyo kita..”
Mayor Rolando Uy
SOURCE: CIO
Photo: CIO
