150, 000 pesos structural damage sa natigayong sunog sa Barangay 22 ning ciudad!

GIBANA-BANANG 150, 000 pesos ang structural damage sa nasunog nga upat ka panimalay sa Gaabucayan-Corrales Extension Barangay 22 ning ciudad!
Nagsugod ang kalayo sa panimalay ni Salvador Omega, 60 anyos.
Matud ni Macabalan Fire Station Arson Investigator SFO2 Jeezerel Lazaga nga base sa pamahayag ni Omega nga misiga ang ceiling sa panimalay ug gisulayan pagpalong.
Apan nakaangkon sa 1st degree burn sa wala ug tuo nga abaga ug li-og.
Giisa ang status sa sunog sa 3rd alarm.
Imbestigaran pa sa BFP ang hinungdan sa pag-ulbo sa kalayo.

“…upat ka balay, ang tag iya kang Salvador Omega ug didto kang Wilbert, tindahan dayon diha kining milk tea daw maoy na totally damage. Naa siya sulod sa balay natingala siya iyang ceiling nag siga na daw, gi sulay niyag palong ang kalayo nasunog ang iyahang shoulder left and right then sa liog. Estimated damage nato is 150 thousand. Sa amo sa Bureau of Fire 4, 1 ka ambulance dayon sa atong mga volunteer 6…”
Macabalan Fire Station Arson Investigator SFO2 Jeezerel Lazaga

SOURCE: SHV
Photo: SR Files