13 hangtod 15 ka tunghaan sa ciudad, mitala og HFMD cases!

MITALA og kaso sa Hand Foot and Mouth Disease kon HFMD ang 13 hangtod 15 ka tunghaan sa ciudad sugod niadtong Hulyo!
Sama sa Bugo Central School, Agusan Elementary School, West City Central School, City Central School ug uban pa.
Matud ni City School Division Medical Officer Dr. Mark Meso nga miaging semana mitala ang Cagayan de Oro National High School og confirmed cases sa HFMD nga upat hangtod lima.
Gi-abisohan ang apektadong section, nga ipailawom una sa modular classes aron malikayan ang pagkuyanap.

“…Last Friday, nagtawag sa ato ang principal sa Cagayan de Oro National High School naa silay confirm na cases 4-5 cases na mga bata and then gi-advisan pod nako ang principal nga ang duha ka seksyon na naapektahan ipa modular sa ang ilang learning. Modagan nag mga 13 to 15 schools pero nagsugod sa i think naa sa Bugo Central School, Agusan Elementary, West City Central School, City Central, Father William Masterson, CDO National High School, di nako ma recall ang uban pero since July nagsugod na mi og collect og data kay ga i require mi sa Deped Regional office na mag-submit me og weekly na-report kung atong sumahon tanan mo Dagan og mga 13 or 15 ka schools..”
City School Division Medical Officer Dr. Mark Meso

SOURCE: SH&V
Photo: Inquirer.net