TRO batok over the counter nga suholan sa mga empleyado sa Provincial Capitol, gipagawas sa korte!
NAGPAGAWAS ang Regional Trial Court kon RTC Branch 18 Cagayan de Oro City og 20 ka adlaw nga Temporary Restraining order!
Batok sa Memorandum GJTU No. 0356-2025 o over the counter nga suholan ni Misamis Oriental Governor Juliette Uy sa mga empleyado sa Provincial Capitol
Nunot sa giduso nga petition sa Sangguniang Panlalawigan sa pagpangulo ni Vice Governor Jigjag Pelaez aron sa pagsuspenso sa nasangpit nga kamandoan.
Gitakdang dunggon ang aplikasyon sa preliminary injunction sa alas 8:30 sa buntag Setyembre 5, 2025.
Gimandoan ang respondents nga motambong sa pagdungog.
Samtang, nagduso ang kampo ni Misamis Oriental Governor Uy og motion sa paglangkat sa TRO kagahapong adlawa.
Matud ni Misamis Oriental Special Assistant to the Governor kon SAG Popoy Abocejo nga gihulatan nila ang desisyon.
Gipamugos ni Abocejo nga wala nay bili ang TRO tungod mobalik na sa normal nga procedure sa suholan.
“…nigawas ang TRO gikan sa Branch 18, ang kampo ni Governor Juliette Uy girespetohan kini sila ug gi-acknowledge ug gi-recognize apan ang iyang kampo nangita og legal remedy kagahapong adlawa…”
Misamis Oriental Special Assistant to the Governor kon SAG Popoy Abocejo.
SOURCE: MISOR/SBPSH
Photo Source: MISOR/SBPSH
