PBBM interesado sa ika-50 nga anibersaryo sa “Thrilla in Manila”!

INTERESADO si President Ferdinand Marcos Jr., sa pagselebrar sa ika-50 nga anibersaryo sa “Thrilla in Manila” sa Oktobre!
Kini ang gibutyag ni boxing icon ug former senator Manny Pacquiao human sa courtesy call kang President Ferdinand Marcos Jr.,
Matud ni Pacquiao nga gipresentar nila ang selebrasyon sa Thrilla in Manila ug gipangayo ang suporta sa Presidente ug sa tanang ahensya sa gobyerno alang sa nasangpit nga selebrasyon.
Gidugang sa boxing icon nga molantaw ang Presidente tungod interesado kini sa concept nga mahitabo sa Oktobre 29.
Dumduman, gipahigayon ang “Thrilla in Manila” sa Araneta Coliseum niadtong 1975, nga nag-feature sa away tali nilang fierce boxing rivals Muhammad Ali ug Joe Frazier.
Sa nasangpit nga away, midaog si Ali via technical knockout.

SOURCE: GMA NEWS
Photo: GMA Network