Narehistro sa ikaduhang distrito sa BSKE voters registration, dul-an 5-mil!

MIABOT sa 4,778 ang kinatibuk-ang ihap sa botante nga nakarehistro sa ikaduhang distrito sa ciudad!
Sulod sa napulo (10) ka adlaw nga Barangay ug Sangguniang Kabataan Elections kon BSKE voter’s registration.
Matud ni Cagayan de Oro 2nd District Election Officer Atty. Ramil Acol nga kadaghanan sa nagparehistro mga botante sa SK.
Gidugang ni Acol nga target nila nga maka-cater og 1,000 ka registrants sa katapusang adlaw sa registration kagahapong adlawa.
Apan 909 lamang nakarehistro human adunay gibalibaran.

“..4,778 gikan sa first day. Kasagara mga estudyante every Sunday ang pa rehistro nila so upat ra gyud ka adlaw medyo daghan kayo. Nag reserve mig 1000 pero 909 ra atong nadawat nay gipang balibaran kay ang uban diay na-registro na, transfer, uban para sa first district so mao na wala ta kaabot sa 1000 nga reservation..”
Cagayan de Oro 2nd District Election Officer Atty. Ramil Acol

SOURCE: SRLIVE
Photo: SR Files