Mindanao Plate Hub sa LTO-10, mahimong modawat og hangtud 2 million ka plaka gikan central office!

HANGTUD 2 million ka plaka sa motorsiklo ang mahimong dawaton sa Mindanao Plate Hub nga nahimutang sa Land Transportation Office kon LTO-10 Barangay Bulua ning ciudad!
Gikan sa Central Office.
Matud ni LTO-10 Spokesperson Ferdinand Flores nga usa kini ka “bagsakan” diin ang buhatan na ang mag-distribute sa tibuok Mindanao.

“…actually kanang plate hub nato diha mo-receive kanag 2 million ka plaka sa motorsiklo nga gikan sa central nga buhatan sa LTO…”

Giklaro ni Flores nga sa Mindanao plate hub, dili makadawat og plaka ang dili taga Mindanao.
Apan mahimong kining ma-locate pinaagi sa plate tracker.
Usa ka application sa pagsuta kung asa nakabutang ang plaka.

“…kung pananglitan nga dili ka taga Mindanao, taga Cebu ka, taga Luzon pangutana makadawat kabag plaka dinhi sa ato sa plate hub? ang tubag dili kay walay giandam, gi-allocate nga plaka nimu, now unsaon man nimu pagkuha sa imung plaka kung dili nimu makaya nga manugon ka didto mahatag imung authorization, mahimo nga naa tay gitawag nga plate tracker, usa ni siya ka application nga matan-aw nimu kung asa imung plaka nakabutang…”
LTO-10 Spokesperson Ferdinand Flores.

SOURCE: GMCDO
Photo Source: Land Transportation Digital Media – Public Assistance Office X