Gigahing pondo alang sa flood control project ubos sa 2026 NEP, mokabat 274.926 billion pesos!
MOKABAT sa 274.926 billion pesos ang gigahing pondo alang sa flood control project sa nasud!
Ubos sa 2026 National Expenditure Program kon NEP.
Gibahin ang kantidad tali Department of Public Works and Highways kon DPWH nga makadawat og 272.333 billion pesos nga alokasyon ug Metro Manila Development Authority kon MMDA sa 2.593 billion pesos.
Ang gidusong pondo sa flood control project mas ubos itandi sa 350 billion pesos nga gitagana sa 2025 General Appropriations Act kon GAA.
Matud ni Budget Secretary Amenah Pangandaman nga ang gi-aprobahang kantidad gisugyot sa duha ka ahensya.
Gani ang gi-proposed sa DPWH ug MMDA nga flood control projects adunay “proper planning and corresponding feasibility studies kon FS and studies”.
Laumang makumpleto ug mabutang sa eksaktong lugar ang flood control projects.
SOURCE: GMA NEWS
Photo Source: PHILSTAR
