Ecozone investments sa nasud, misaka og 72-percent!

MISAKA og 72-percent ang ecozone investments sa nasud sulod sa walo ka bulan!
Mitala ang Philippine Economic Zone Authority kon PEZA og 105.83 billion pesos sugod Enero hangtud Agusto kung itandi sa 61.69 billion pesos miaging tuig.
Ang aprobado’ng proyekto sugod Enero hangtud Agusto laumang makahimo og kapig 40-mil ka direct jobs, 28-percent nga mas taas sa susamang period niadtong 2024.
Gilauman usab ang proyekto nga maka-generate og 3.38 billion US dollar nga balor sa exports, mas taas og 71-percent sa miaging tuig nga 1.97 billion US dollar.
Sa approved projects, 82 ang manufacturing, 46 ang information technology-business process management, 17 ang domestic market oriented activities, 13 facilities, 12 ecozone developments, 5 logistics projects ug 4 utilities.

SOURCE: PHILSTAR
Photo: Philstar.com