BAC sa ciudad dili pa makahatag og notice to proceed alang sa bag-ong contractor nga mokolekta sa basura!

DILI pa makahatag og notice to proceed ang Bids and Awards Committee kon BAC!
Alang sa bag-o nga contactor nga mokolekta sa basura.
Tungod aduna pa’y mga technical nga pagahimuon.
Matud ni City Local Environment and Natural Resources Office kon CLENRO Head Engr. Armen Cuenca nga tungod niini gihangyo ang Tencil nga magpadayon una sa pagkolekta sa basura sa ciudad taliwala nga natapus na ang kontrata kagahapong adlawa ug hangtud nga wala pa’y mopuli nga contractor.

“…gi tawag na akong atensyon sa atong technical working group sa Bids and Awards Committee na dili pa sila maka-decide o di pa makahatag notice to proceed alang sa bag-o nga kontractor kay duna pay mga technical na ilang pagkahimuon. Mao na nga gilabad ang atong ulo diretso kay Biyernes na alas-kuwatro na hapon na nag-expect ta nga pagka Lunes nanay bag-o nga kontractor nga mo-kolek mao na nga dali-dali tag adto kang mayor Klarex aron mapahibalo siya sa kahimtang ug nangita siya og solusyon aron nga mapadayon ang koleksiyon sa basura, ang extension ni tencil taman ra sa 90 days atong 24 mao na nga gi ingnan na ako ang BAC nga basin puwede e-extend nato balik aron nga in case wala pa mong ka-decide padayon ang atong koleksiyon so ang ilang tubag dili puwede kay maximum na ‘tong 90 days so wala na gyuy extension so mao na nga nag-suggest si MAyor klarex nga istoryahan si tencil ug hangyuon nga mo padayon pa hangtud such time naa nay mo puli sa iya..”
CLENRO Head Engr. Armen Cuenca

Nagpasalamat ang buhatan nga mi-uyon ang Tencil sa pagkolekta taliwala nga dili na kini mabayran tungod wala na ang kontrata.
Pagpasabot nga pahina ang buhaton apan bayaran ni Tencil ang iyang mga empleyado.

“…dako kaayo among pasalamat kay ni uyon siya nga despite di na siya mabayaran kay wala na may kontrata apan padayon siya sa pagpangolikta isip Kagayanon nga ‘di sad siya motugot nga mahugaw og ayo ang atong dakbayan tungod kay walay mo collect sa basura. Hangtod karon anaa pa ang tencil nagakolekta despite nga wala na sila kontrata kung ato siyang tinigulang nga istorya pahina iyang pahinahan pero ang iyang trabahante iyang sweldohan….”
CLENRO Head Engr. Armen Cuenca

SOURCE: SHV
Photo: SR Files