620, 000 pesos structural damage sa nasunog nga gambalay sa Zone 5, Bongbongon, Brgy. Kauswagan, CdeO!

MIKABAT sa 620, 000 pesos ang structural damages sa nasunog nga establishment sa Zone 5 Bongbongon, Barangay Kauswagan ning ciudad kaganihang buntag.
Giingong nagsugod ang pag-ulbo sa kalayo sa gi-rentehan ni Bell Velez ug mitabaok sa three story building nga gipanag-iyahan ni Cristina Batucael.
Matud ni Kauswagan Fire Station Arson Investigator SFO1 Feliz Marie Macasusi nga gi-isa sa 2nd alarm ang sunog.
Wala samaran sa fire incident.
Imbestigaran pa usab ang hinungdan sa pag-ulbo sa kalayo.

“..2nd alarm siya kay duha man gyud siya isa ka 3 storey ug iya dayung abay nga establishment. Tag iya sa 3 storey si Cristina Batucael dayun sa pikas renter si sir Bell Velez. Under investigation pa ta. Estimated damage is 620, 000 in total kay duha man ka establishment. Wala tay injured, wala tay casualties, nay natulog pero nakagawas raman sila..”
Kauswagan Fire Station Arson Investigator SFO1 Feliz Marie Macasusi

SOURCE: SRLIVE
Photo: SR Files