Nadiskobrehan nga dokumento sa compound sa MOPJ Initao, dili financial documents sigon ni former administrator Ladaga!
GIKLARO ni Misamis Oriental former Administrator John Venice Ladaga nga dili financial documents ang nadiskobrehan kagahapong adlawa sulod sa compound sa Misamis Oriental Provincial Jail, Initao!
Base sa ilang pagsuta, gilangkuban ang dokumento sa personnel files sama sa File 201, notice of salary adjustments, resibo sa request sa certificate of employemnt, mga attendance sa flag raising ceremonies ug uban pang Human Resource kon HR documents nga dugay nang wala gamita ug wala na’y legal nga gamitan.
Matud ni Ladaga nga “in good faith” ang desisyon sa HR department.
“…base sa among pagsuta ug alang sa kasayoran sa tanan kani nga mga dokumento dili ni mga financial documents, kini nga mga dokumento nag langkob sa mga personnel files, sama sa File 201, notice of salary adjustments, resibo sa request sa certificate of employemnt, mga attendance sa flag raising ceremonies ug uban pang Human Resource kon HR documents nga dugay na wala gamita og wala nay legal nga gamitan pa…”
Gidugang ni Ladaga nga walay direktiba ang kanhi administrasyon sa paghimo sa susamang butang ug ang desisyon gikan sa nagdumala sa HR Department.
Tungod nagpundok na ang dokumento ug gamay ang space sa opisina.
Misaad nga andam sila nga motabang alng sa paghatag og dugang katin-awan sa nasangpit nga isyu.
“…walay deriktiba o sugo gikan sa miaging administration o order sa susamang panghitabo, kini nga desisyon gikan sa nagdumala sa Human resource department…, nasayod kami nga kini nga butang naghatag og kabalaka sa pipila apan hisayri nga andam kami magpaabot sa dugang katin-awan sa kung unsa gayod ang tinuod nga panghitabo, katungod sa katawhan sa lalawigan sa Misamis Oriental nga madungog kini nga kamatuoran…”
Misamis Oriental former Administrator John Venice Ladaga.
SOURCE: SRLIVE
Photo Source: SRLIVE
