Marching order ug operationalization sa 20 pesos matag kilo nga bugas, gihulatan sa DA-10!

GIHULATAN sa Department of Agriculture kon DA ang bag-ong marching order ug operationalization sa 20 pesos matag kilo nga bugas!
Human gi-anunsyo ni President Ferdinand Marcos Jr. atol sa SONA kagahapong adlawa.
Matud ni DA-10 Regional Executive Director Apollo Pacamalan nga nangandam sila og mga pamaagi aron mapatuman ang malahutayon nga 20 pesos matag kilo nga bugas.

“…kami gapaabot kung dunay bag-o nga marching order kay pagkahuman ni anang SONA idetalye man kana sa matag department unsa kanay operationalization ni ana. Sa pagkakaroon amo hulatan unsa ka na ang operationalization sa iyang gi anunsyo ug kami usab ga-aandam usab sa among kaugalingon sad nga pamaagi nga motakdo usab sa unsa kinanglaon aron mapatuman ang 20 pesos ang kilo sa bugas…”
DA-10 Regional Executive Director Apollo Pacamalan

Gilatag niini ang pipila ka solusyon alang sa malahutayon nga pagpatuman sa 20 pesos matag kilo nga bugas.

“…Para kanamo dinhi sa ubos ang pipila sa mga solusyon sa mga lahutayon nga pagpa implementar sa 20 pesos nga bugas, mahitabo kana kung walay subsidiya nga mapaminusan namo ang gastuon sa mga mag uuma, sa pagtanom og humay o mapataas ang abot ug mao kana ang nagsentro sa among kalihukan sa humay karon dinhi sa Northern Mindanao gawas sa subsidiya sa binhi o mga abono. Pipila ni an kining pagpadaghan sa mga inbreed seeds nga taas ug abot na makatukma usab sa mga hybrid ika duha katong pagpalambbo sa yuta sa mga mag uuma bisan pa man sa gamay nga input o organiko nga input mapadayon gihapon ang taas nga abot…”
DA-10 Regional Executive Director Apollo Pacamalan

SOURCE: SHV
Photo: PRWC | Philippine Revolution Web Central