DPWH-10 miklaro nga tulo ang proyekto sa dalan sa Barangay Canitoan!
GIKLARO sa Department of Public Works and Highways kon DPWH-10 nga tulo ang proyekto sa dalan sa Barangay Canitaon!
Duha niini sa DPWH ug usa sa local government unit.
Matud ni DPWH-10 Spokesperson Roshiel Novie Cabrido nga sukwahi ang migawas sa usa ka mantalaan nga 2024 nagsugod ang proyekto.
Apan pagklaro niini nga nagsugod ang proyekto sa DPWH Abril ug Hunyo 2025.
Human giingong 2024 nagsugod na-purwesyo ang katawhan tungod sa guba nga dalan.
“..tulo ang project diha bale sa DPWH duha isa pod sa LGU of Canitoan so ang project diha sir contrary sa balita, dili 2024 nag-start nga project ingon sila man gyud nga 2024 nag-start nga na perwisyo sila tungod sa mga road nga giayo. Ang DPWH nga project kanang duha ka buok. April and June of 2025 nag-start. Kay 2024 nag-start ang project sa City Government of Cagayan de Oro, dili ang sa DPWH kanang 2025 duha na ka- project 25KH0027 ug 25KH0053 mao nang sa DPWH. Ang accomplishment anang 27 is 20 percent..”
DPWH-10 Spokesperson Roshiel Novie Cabrido
Giklaro usab ni Cabrido nga nasayod ang buhatan nga adunay portion sa dalan sa Barangay nga pitaon.
Tungod adunay nag-leke ang tubo sa water district.
Gikoordinar na usab sa DPWH ang water district aron maayo.
“…kabalo mi nga naay dalan diha nga pitaon tinood na naka adto ko diha, naay portion diha sa dalan nga leke ang tubo sa water district, gi-coordinate na sa DPWH ang water district ana nga ayuhon kay dili puwede mabutangan ang dalan kung naay leke na leakage nga gikan sa pipe sa water district kay ang ilalom ana mag-deteriorate bale iyahang i base kung madaot siya, madaot sad ang taas. Mao tong naghulat mi nga ayuhon sa water district, ang ingon sa water district dili nila maayo diretso kay agi ana man gyud siya sa tao kung ayuhon nila ma duha na ka dalan ang guba so wala siyay maagian, ang ilang lain agian didto sa Sitio Agong which is mulusot sila sa Cogon so layo na mura silag mutuyok…”
DPWH-10 Spokesperson Roshiel Novie Cabrido
SOURCE: SHV
Photo: SR Files
