16-mil ka police officer sa NCRPO, gimontar sa Quezon City!
KAPIG 16-mil ka police officers sa National Capital Region Police Office kon NCRPO ang gimontar sa tibuok Quezon City ug duol sa House of Representatives!
Alang sa 4th State of the Nation Address kon SONA ni President Ferdinand Marcos Jr., karong adlawa.
Matud ni NCRPO Spokesperson Police Major Hazel Asilo nga dugang 3,707 ka persohane gikan sa support units ug 3,320 reinforcements gikan sa laing government agencies ang mag-assist sa pagmintinar sa kahapsay ug kalinaw sa nasangpit nga kalihokan.
Gisiguro ni Asilo sa publiko nga nag-obserbar ang Philippine National Police kon PNP og maximum tolerance sa pagdumala sa mga protest activity.
Samtang, gisuspenso ang klase sa tanang pampubliko ug pribadong tunghaan sa tibuok Quezon City ug gipatuman ang Liquor ban nunot sa nahisgutang event.
Sa laing bahin, andam na ang effigy sa Bagong Alyansang Makabayan kon BAYAN nga gitawag nga “Bongbong Mambubuol” tungod sa mga saad sa administrasyon nga pakyas nga natuman.
Naglangkob ang effigy features sa hulagway sa Presidente ug ni US President Donald Trump, nga nagsimbolo sa giingong “ subservience” sa Pilipinas sa Amerika.
SOURCE: ABS-CBN NEWS
Photo: psbalita.com
